?? 點解伍晃榮話「波係圓既」??

《實問過為什麼？》系列係我諗唔到有咩好寫既時候，用黎呃post既文章。問既問題無聊，答案更無聊，睇之前請先有心理準備，多謝！

* * *

人物設定：
AA：優等生一名
CC：咩都see一靛Q：Cutie妹妹仔
WW：諗野好灰，成日頭WW
XX：躁狂人
YY：成日打爛沙盤問到篤
ZZ：懶鬼

* * *

《實問過為什麼？(1)》

問：

點解伍晃榮話「波係圓既」？

答：

XX：「頂！波梗係圓架啦！個波係方既，隻腳唔痛架？！你踢埋我份啦！」

YY：「no no no… “波”唔一定係踢既，羽毛”波”係用拍去打既、籃”波”係用手去拍既、保齡”波”係碌碌碌，碌入坑既、馮素波係用電視睇既、8號波係天文台掛既…」

AA： 「拿，YY頭先所講既，就帶出一個好好既問題喇：我地知道波同球響語意上係相通既，波即是球、球即是波，所似佢講羽毛”波”同籃”波”，我地都知佢講既其 實係羽毛”球”同籃”球”。咁問題就黎喇：點解伍晃榮話「波係圓既」，而唔話「波係球既」呢？需知道”圓”係二維概念，而”球”係三維概念，正確d黎講 「波係球既」先至係?既喎！」

ZZ：「唉… 球球球，球乜鬼丫… 求其啦… 伍晃榮話「波係圓既」咪圓既law… 返去訓啦…」

CC：「丫，我地好似忽略左一樣野喎！條問題係問” 點解伍晃榮話「波係圓既」”丫0麻，而我地只係不斷響度講”點解波係圓”咋喎！拿… 我上網搵過喇，呢句說話係伍晃榮響60年代時聽d球員講架，意思係話未到最後一刻都未知結果…」

YY：「唔係喎… 咁正正方方既骰仔呀，你擲完之後都估唔到係咩結果啦！點解一定要係圓呢？欖核形既欖球咪仲難估？」

XX：「妖！人地講緊打波丫0麻！你講擲骰黎做乜！「骰係方既」，等燊哥去講啦！」

QQ：「哎呀，唔好嘈啦你地，咁都好拗既？快d笑返… hee hee… 我覺得呢，個波碌碌下既時候，每一面都一時響上、一時響下，就好似比賽咁，一時佔上風、一時佔下風，未到最後一刻都知未結果係點。我估係咁解掛？」

ZZ：「係0羅… 係0羅… QQ講得幾有道理係咪？ 訓啦… 訓啦…」