Yan can cook: 清真蛋家雞

Yan：「Hello大家好！又係"Yan can cook"既時間，我係主持人Yan煮丹，今日教大家煮既係"清真蛋家雞(Dragon Tiger Gate)"！」

Yan：「大家千祈唔好比個名嚇親喎，查實整呢鑊野非常簡單！只要跟住我一步一步咁做，好快就搞掂架喇！」

Yan：「拿！首先呢，就要將"馬小鈴薯"雕琢成花瓶，擺埋一便先，唔使比佢發揮架！最緊要唔好整到污污糟糟，"懂潔"就得喇！」

Yan：「跟住呢，將河裡面新鮮釣起既"降龍十八掌"拎出黎，不過唔好成隻掌食晒喎！只係要佢隻"河裡活拇指"就得喇！呢舊肉紮紮跳，彈下彈下咁，好咬口呀！」

Yan：「不過要注意呢，"降龍十八掌"食落去會澀澀地，要"少苦"既，就要加d"檸檬"落去僻僻味喇！d妹妹仔仲好鍾意添！」

Yan：「跟住將d材料倒晒落鑊入面，用"石刻爐"點起火頭，跟住用"金鐘罩"罩住，霹靂啪啦咁爆、爆、爆，爆佢100分鐘！」

Yan：「最後落埋d頭抽落去就完成喇！記住係要用"龍虎三抽皇"喎！佢d頭抽製法特別，就係響龍虎三皇d"頭"油度直接"抽"出黎！真係名副其實呀！」

Yan：「好喇！煮好喇！It's wonderful！呢位觀眾不如試下哩？好唔好食呢？」

觀眾：「唔... 雖然食完之後好似冇咩落到肚咁，不過你咁用心去整色整水，食果陣都豐豐富富既... ok啦！不過話時話... 做乜個菜名叫"清真蛋家雞"，但係食落都冇雞既？」

Yan：「希！唔使要雞架喇... 你都識得話整色整水咯！唔通多舊魚就好d咩！」

Yan：「Okay... Yan can cook, so can you, zai jian!」

* * *

繼將《臥虎藏龍》譯做"Crouching Tiger Hidden Dragon"之後，《龍虎門》又被譯做"Dragon Tiger Gate"。其實譯"Dragon Tiger Sect"會唔會好d呢？

呢樣野真係要請教下網友糟老頭，佢最近好隨意咁就將有花卉防腐作用既Silver thiosulfate譯做"惜花羞"，信、達、雅兼備，堪稱一絕！我諗電影公司可以不妨考慮搵下佢做顧問。