唔得

有d字眼，我係好唔鍾意聽到。

譬 如話"strategic"呢個字，通常講果個人講完一大輪 "strategic xxx"、"strategic yyy"之後，我都唔覺得佢之前講果段說話有幾"strategic"。試過有個客響講緊做 leaflet 既時候都用到"strategic"呢個字，我真係對佢佩服到五體投地。

不過我今次其實係想講另一個字眼："唔得"。

根據我既觀察同理解，通常講"唔得"既人背後大致上可以分做以下呢幾個原因：
(按我對原因既接受程度排序：(1)係最唔接受，(5)係最接受。)

1. 懶。基本上個腦都冇process過果個意見，就已經講左唔得先，因為"唔得"="唔使做"，係一個好好既推搪藉口。

2. 對改變既恐懼。我同意人對改變係會有一定程度既抗拒既，呢點我可以理解。但係係咪應該了解一下呢個改變係咪會比原先好d先呢？

3. 直覺上覺得唔得。呢個都好d，起碼都有諗過下，但係可能諗得唔夠周詳，可能仲未係好了解到新諗法同舊諗法既分別。

4. 用傳統方法思考完認為唔可行。呢點我會理解，但係傳統方法唔得0者，非傳統既方法又得唔得呢？

5. 用非傳統方法思考完都認為唔可行。我會欣賞呢個人，如果佢肯再用多d腦汁去諗下就好喇。如果真係再諗都係唔可行既，咁就冇辦法啦，而且我都好欣賞佢所付出既努力既。

我最鍾意adidas近排個廣告：Impossible is Nothing.