Killer application

香江富商李+x近年比隻生豬搞到好頭痕，鬼咩，個生豬領養牌費咁昂貴，隻豬原來又唔係咁受食家喜愛，咪唯有不斷變賣家當，四圍班水餵住佢先0羅！

其他豬欄股東火紅火綠咁點算？無0既，咪整個EBITDA盈利出0黎，叫做大家心照有樣0野交差啦。

咩係EBITDA盈利？唔解釋得咁複雜喇，大致上可以比喻做個老公同個老婆講：「如果唔計嫖、賭、飲、吹，我都算係個好男人0既！」不過如果連唔計呢樣果樣，都唔算係好男人0既，咁我就真係替班豬欄股東心傷喇！因為呢種男人將會叫做LBITDA，唔解釋喇，總之就同LOLITA差唔多咁騎啦！

講返轉頭，+x 一路都好想搵個killer application去賣豬仔，諗諗埋埋，其實都度0左唔少橋：

「不如針對果班日日夜夜都想見住0既拖友丫？」不過男拖友擰晒頭咁話：「咪搞！無時無刻check住仲得了0既！比返少少空間0黎好喎！幾大都唔用！」

「咁不如說服班年輕夫婦，有仔女0既，就用生豬0黎睇住自己仔女丫？」點知年輕夫婦聽到即刻火都0黎埋：「喂！+x！你mark到d樓價咁高，我地兩公婆夠錢供樓都唔夠錢養仔啦！你係咪refund返d樓價比我先？！」

唉！呢樣又唔得、果樣又唔得，+x頭都大埋，靠隻cunning fox真係等死。

A！不過天無絕人之路，你豬欄班大帝度唔掂0者，香江仲有班前途無限精甩辮0既學生哥丫0麻！

今日新聞話，幾個學生哥響會考公開試期間，走去洗手間用生豬上網搵答案喎！

嘩！真係千呼萬喚始出來！+x今次真係響個心度笑出0黎：「拿拿臨call呀cunning fox班幾team sales去各大、中、小學做promote先！班學生哥中文水平雖然差0者，但係「養兵千日，用在一”豬”」應該都識掛？」

Cunning fox收到老細電話，即刻大讚：「老細真係英明！我連廣告headline都諗埋喇！一於就話”用生豬，冇A？No Way！”」